სწავლების ინოვაციური მიდგომებისა და სტრატეგიების გათვალისწინებით სტუდენტზე ორიენტირებული სწავლების მეთოდის დანერგვა და მისი ხელშეწყობა ორ პარტნიორ ქვეყანაში. ეს მეთოდი ხელს შეუწყობს ჩინეთისა და საქართველოს უმაღლესი საგანმანათლებლო დაწესებულებების კურსდამთავრებულებს შეიძინონ კომპეტენციები, რათა უზრუნველყონ თითოეული სტუდენტის კონკრეტული საჭიროებების არა მხოლოდ იდენტიფიცირება, არამედ მოახდინონ მათზე რეაგირება აქტიურ სწავლებაზე დაფუძნებული სწავლების სტრატეგიების ფართო სპექტრის გამოყენებით.
პარტნიორი ქვეყნების საჭიროებებზე დაფუძნებული და ევროპელი პარტნიორების გამოცდილების გათვალისწინებით შემუშავდება სახელმძღვანელო, რომელიც იქნება სტუდენტზე/მოსწავლეზე ორიენტირებული სწავლების მიდგომის ერთადერთი სასწავლო მასალა. გარდა ამისა, ქართულ და ჩინურ ენებზე გამოქვეყნებული სახელმძღვანელო ხელმისაწვდომი იქნება მასწავლებელთა კრიტიკული მასებისათვის.
მოსწავლეზე/სტუდენტზე ორიენტირებული სწავლების მეთოდის სასწავლო პროცესში დანერგვისა და ხელშეწყობის იდეა თავად პარტნიორი ქვეყნებისათვისაც სიახლეა. პროფესიონალთა გადამზადების ერთეულების (ცენტრის CPD units) შექმნა არა მხოლოდ უზრუნველყოფს მომავალში პროფესიონალების განათლების მაღალ ხარისხს, არამედ, აყალიბებს კულტურას, როდესაც სწავლებისა და სწავლის პროცესში სტუდენტი არის ცენტრალური ფიგურა.